13 oC 
Güneşli
ڕێکخراوی ئونروا کە هاوکاری بۆ پەنابەرانی فەلەستینی دەکات، ڕایگەیاندووە، پەرەسەندنی هێرشەکان لە غەززە، قەیرانی مرۆیی قووڵتر دەکاتەوە و هەزاران خێزان ناچار دەکات ماڵ و حاڵی خۆیان بەجێبهێڵن.
ڕێکخراوی ئونروا سەر بە نەتەوە یەکگرتووەکان کە یارمەتی و دامەزراندن بۆ پەنابەرانی فەلەستینی دابین دەکات، ڕایگەیاند کە توندکردنەوەی هێرشەکانی رژێمی سەهیۆنی بۆ سەر شاری غەززە دەتوانێت نزیکەی یەک ملیۆن کەس پاڵ بنێتە ناو کۆچێکی زۆرەملێی نوێ.
ئاژانسەکە ئەمڕۆ لە پۆستێکدا لەسەر پلاتفۆرمی ئێکس ڕایگەیاندووە کە هەر هێرشێکی زیادەی ئەگەری، قەیرانی برسێتی ئێستا قووڵتر دەکاتەوە و فەلەستینی زیاتر پاڵدەنێتە ناو کارەساتەوە.
ئونروا جەختی لەوە کردەوە کە فەرمانی بەردەوامی بۆردومان و چۆڵکردن جارێکی دیکە خێزانەکان ناچار دەکات لە ترس و وێرانکاریدا ماڵەکانیان بەجێبهێڵن.
ئەندامانی ئەنجومەنی ئاسایشی نەتەوە یەکگرتووەکان ڕۆژی چوارشەممە لە بەیاننامەیەکی هاوبەش بە بێ ئەمریکا خوازیاری ئاگربەستێکی خێرا و بێ مەرج لە غەززە و زیادکردنی بەرچاوی چالکییەکانی یارمەتی بوو.
هەروەها ڕاگەیەندرا کە بڕیاری رژێمی داگیرکەر بۆ کۆنترۆلکردنی شاری غەززە رەتدەکەن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٣ هەزار و ٢٥ کەس و ژمارەی بریندارەکانیش گەشتە ١٥٩ هەزار و ٤٩٠ کەس.
لە ئەنجامی هێرشەکانی سەر ناوچە جۆربەجۆرەکانی غەززە، ٣٠ فەلەستینی شەهید بوون کە هەنێکیان چاوەڕوانی وەرگرتنی هاوکاری مرۆیی بوون.
حوسێن حاج حەسەن پەرلەمانتاری حزب الله بڕیاری "چەک دانانی"ی حکومەتی لوبنانی بە "هەڵەیەکی گەورە" وەسفکرد و ڕایگەیاند، ئەم هەنگاوە ستراتیژێکە بە ئامانجی لاوازکردنی بەرخۆدان.
